Рэпліка: «Працу па адборы годнага матэрыялу за вас робіць дзяржаўная машына»

— Як можна хутка адабраць вартыя кнігі па беларускай гісторыі, культуры з усяго, што выдавалася?

Проста — паглядзець спіс экстрэмісцкіх матэрыялаў МУС Беларусі.

Цяпер бізнэс-ідэя: каталог такіх алічбаваных выданняў.

Што цікава, працу па адборы годнага за вас робіць дзяржаўная машына. Калі тым страшна ад напісанага — выданьне вартае ўвагі.

Ігар Тышкевіч

Нагадаем, днямі «экстрэмісцкі» спіс папоўніла кніга Аляксандра Татаранкі «Горькие годы: Трагедия Западной Беларуси 1944-1954» — адпаведнае рашэння прыняў суд Баранавіцкага раёна і Баранавічаў.

Вось яшчэ некаторыя кнігі па гісторыі, якія з пункту гледжання рэжыму Лукашэнкі, цяпер з'яўляюцца «экстрэмісцкімі»:

• Анатоль Тарас. «Беларусь превыше всего! (О национальной беларусской идее)»;
• Уладзімір Бешанаў. «Год 1942 — учебный»;
• Анатоль Тарас «Беларусь на распутье»;
• Вадзім Дзеружынскі. «Забытая Беларусь»;
• «Запiсы таварыства аматараў беларускай гiсторыi iмя Вацлава Ластоўскага. Выклiкi «рускага свету» i Беларусь. Выпуск 6», пад рэдакцыяй Анатоля Тараса;
• Сяргей Захарэвіч. «Большая кровь: Как СССР победил в войне 1941 — 1945 гг.»;
• Леанід Лыч. «Нацыянальна-культурнае жыццё на Беларусi ў часы вайны (1941 — 1944 гг.)»;
• Анатоль Тарас. «Постсоветский транзит: между демократией и диктатурой: Сборник статей»;
• «Праблемы гуманiтарнай бяспекi Беларусi: Матэрыялы навукова-практычнай канферэнцыi»;
• Анатоль Тарас «Краткий курс истории Беларуси IX — XXI вв»;
• Віктар Сувораў. «Тень Победы»;
• Анатоль Тарас. «Страницы прошлого: статьи по истории Беларуси»;
• «Трансфармацыi ментальнасцi беларусаў у XXІ ст. Матэрыялы навукова-практычнай канферэнцыi»;
• Алег Усачоў. «Кто, как и зачем убил Вильгельма Кубе».
• Манаграфія Святланы Казловай «Аграрная палітыка нацыстаў у Заходняй Беларусі» і іншыя выданні.

У некалькі разоў згаданага ў спісе Анатоля Тараса раней былі прызнаныя «экстрэмісцкімі» кнігі «Краткий курс истории Беларуси IX — XXI вв» і «Беларусь на распутье».